Signify ເປີດຕົວ LiFi ເທັກໂນໂລຢີສົ່ງຂໍ້ມູນໄຮ້ສາຍຜ່ານແສງໄຟ ຄວາມໄວສູງເຖິງ 250 Mbps

Signify (ຊື່ໃໝ່ຂອງ Philips Lighting) ໄດ້ເປີດຕົວລະບົບ LiFi System ໃໝ່ລ່າສຸດທີ່ສາມາດໃຊ້ລະບົບໄຟໃຫ້ແສງສະຫວ່າງມາໃຊ້ສົ່ງສັນຍານຂໍ້ມູນແບບໄຮ້ສາຍ ທີ່ເຮັດຄວາມໄວການສົ່ງຂໍ້ມູນໄດ້ເຖິງ 250 Mbps
ລະບົບ LiFi ນີ້ແມ່ນຫຍໍ້ມາຈາກ Light Fidelity ເປັນອີກເທັກໂນໂລຢີທີ່ເຮັດວຽກຄ້າຍກັບ WiFi ແຕ່ວ່າຈະໃຊ້ຄົນລະເທັກນິກກັນ ເພາະລະບົບນີ້ບໍ່ໄດ້ໃຊ້ຄື້ນຄວາມຖີ່ວິທະຍຸ ແຕ່ໃຊ້ຄື້ນຄວາມຖີ່ແສງທີ່ສາມາດເບິ່ງເຫັນໄດ້ແບບ Visible Light Communication (VLC) ໃນການສົ່ງຂໍ້ມູນນັ້ນເອງ

LiFi ນັ້ນຈະອາໄສຕົວສົ່ງ ແລະ ຕົວຮັບສັນຍານສະເພາະ ທີ່ຖືກພັດທະນາຂື້ນມາໃໝ່ແຕ່ກໍຍັງໃຊ້ງານຮ່ວມກັບລະບົບ WiFi ເກົ່າທີ່ມີຢູ່ແລ້ວໄດ້ອີກດ້ວຍ

Signify ໃຊ້ຊື່ການຕະຫຼາດຂອງລະບົບນີ້ວ່າ Trulifi ສາ່ມາດນຳເອົາໄປຕິດຕັ້ງໃຊ້ງານໄດ້ສະດວກງ່າຍດາຍກັບໂຄມໄຟຂອງ Philips ໂດຍທີ່ບໍ່ຈໍາເປັນຕ້ອງປຽ່ນ ຫຼື ຖອດໃສ່ແທນລະບົບໄຟສ່ອງສະຫວ່າງເກົ່າທີ່ໃຊ້ງານຢູ່ເລີຍ

ໃນເລື່ອງຂອງປະສິດທິພາບນັ້ນຈະສາມາດເຮັດຄວາມໄວໄດ້ 150 Mbps ໃນຫ້ອງທີ່ມີຂະໜາດໃຫຍ່ຢ່າງຫ້ອງປະຊູມ ຫຼື ຖ້າຕິດຕັ້ງແບບກໍານົດຕໍາແໜ່ງ Point-To-Point ຈະສາມາດເຮັດຄວາມໄວໄດ້ສູງສຸດເຖິງ 250 Mbps

ທີ່ມາ: techoffside