Facebook ໄດ້ປະກາດເປີດຕົວແພລັດຟອມຄ່າເງິນດິຈິຕອນ Cryptocurrency ຂອງຕົວເອງຢ່າງເປັນທາງການແລ້ວ ຫຼັງຈາກທີ່ເປັນຂ່າວລືໃນຊື່ວ່າ Calibra.
ສຳລັບຄ່າງເິນນີ້ ຈະຖືກຄຸ້ມຄອງໂດຍອົງກອນທີ່ມີຊື່ວ່າ Libra Association ທີ່ຖືກຈັດຕັ້ງຂື້ນໃຫ້ເປັນໜ່ວຍງານອິດສະຫຼະ ບໍ່ສະແຫວງຫາຜົນກຳໄລ ແລະ ມີສຳນັກງານໃຫຍ່ຢູ່ກຸງເຈນິວາ ປະເທດສະວິດເຊີແລນ
ສະມາຄົມ Libra Association ນີ້ກໍ່ຕັ້ງຈາກຄວາມຮ່ວມມືຂອງອົງກອນທັງໝົດກວ່າ 28 ແຫ່ງເຊັ່ນ: MasterCard, PayPal, Visa, eBay, Spotify, Uber, Lyft, Vodafone Group, Andreessen Horowitz ແລະ Facebook ແລະ ຍັງມີແຜນຈະມີສະມາຊິກເພີ່ມໃຫ້ຫຼາຍກວ່າ 100 ແຫ່ງ ແລະ ດຶງເອົາຜູ້ບໍລິໂພກ, ນັກພັດທະນາ ແລະ ນັກທຸລະກິດຕ່າງໆ ເຂົ້າມາຮ່ວມໃນລະບົບຄ່າເງິນນີ້ດ້ວຍ.
ຄ່າເງິນນີ້ບໍ່ໄດ້ຈໍາກັດໃຫ້ໃຊ້ພຽງແຕ່ຢູ່ໃນ Facebook ເທົ່ານັ້ນ ແຕ່ຈະເປີດໃຫ້ໃຊ້ງານເປັນວົງກ້ວາງກັບທຸກຄົນ ແລະ ຕັ້ງເປົ້າທີ່ຈະຊ່ວຍໃຫ້ສາມາດໃຊ້ບໍລິການດ້ານການເງິນຕ່າງໆ ໂດຍທີ່ບໍ່ຈໍາເປັນຕ້ອງໃຊ້ບັນຊີຈາກທະນາຄານ.
ເຖິງແມ່ນວ່າ Facebook ຈະຮັບໜ້າທີ່ຫຼັກໃນການພັດທະນາລະບົບ Libra Blockchain ແລະ Libra Association ແຕ່ການຕັດສິນໃຈຕ່າງໆນັ້ນກໍຕ້ອງມາຈາກສະມາຄົມ ແລະ ສະມາຊິກພາຍໃນທັງໝົດ
Facebook ມີແຜນທີ່ຈະເປີດບໍລິການ Calibra Wallet ໃນລະບົບ Messenger, Whatsapp ແລະ ເປັນແອັພແຍກເປັນ Wallet ຂອງຕົວເອງໃນປີ 2020 ນີ້.
ທີ່ມາ: techoffside
ไม่มีความคิดเห็น:
แสดงความคิดเห็น